難忘的第二年
11月1日做遊行義工，問了一個好白痴的問題：「如果年年都做義工，甘咪年年都無得行？」
「係架！我地好耐無行過啦！」籌委說。（其實做糾察有得行 :P）
今年是第二屆香港同志遊行，我去了後台幫手，由早上10點半打杖打到最後一刻，呼！總利完成了，鬆一口氣！第一次接觸後台工作，是個難忘經驗，下次放馬過來吧！
嗯…做後台有趣的地方，是可以近距離睇明星@_@ …實在忍不住望多兩眼!
今年認識了幾位做後台的義工，大家年紀相約，好好傾，後來還認識了一個主動來幫手掃垃圾的朋友，令人太感動了～～～之後小魚還買了雪糕，送到我手上，即時(感動)^無限次方呀～～～
期待明年可以繼續有 pride parade。搞手們，好彩有你地，1800人才有機會聚集在一起，開開心心地遊行，為自己而感驕傲，辛苦哂！
後話：回到家中，發現同樣去了遊行的妹妹竟然把遊行單張亂放，家中的花瓶插了彩虹旗，我欣賞阿妹你大無畏，但係可唔可以唔好搞到屋企成個垃圾崗甘…
errrrr…….