grassroot online

趕FYP的日子暫時結束，之後剩下來的功課學業不算多，一份project一個final, 還有幸可以走進EE的實驗室做一會student helper…

以下內容叫吐苦水，吐了便好。

之前對著電腦絞盡腦汁嘔字、畫圖、做ppt的日子很苦…因為覺得意見不足，怕做出來的東西不可靠，然後因為很多因素，壓力難以分擔，分擔了也構成風險結果情況更壞，總之就憂心忡忡。

正如et所說，有個依賴的理由比我就死硬，無既話可能好快搞掂哂，今次又令我再次認識自己的弱點：太軟弱同埋太善良，結果玩死了自己，還想送多句「甘心既…甘心既…」。唉……我覺得自己無得救……

Presentation過後，我做了幾天工作想賺錢，趕在聖誕節前買個monitor比屋企，因為家中某電腦mon用了9年，色不對，過暗，會睇壞眼，細佬成日望住佢畫畫Ｄ色實唔岩。工作當然又是對著電腦，有點吃不消的感覺。

當時還在做4190 project, 諗起就火滾，幫幾千張相投票，但遲開放網頁，現在要做project task 3 他就code都未比，唔通真係想Ｄ同學仔做到12月31日先交咩…

以上都是練仙的日子，我的睡眠時間常變化而且睡不夠、睡不好，食無定時，有一晚趕thesis，我吃了幾塊面包喝了幾罐jolly shandy便挨通宵，我想很多宿生練仙練得更艱苦，但我以後都唔敢，因為對身體做太多壞事，他一定累積很多怨氣。上星期身體就比signal，整個人極難受，幾天間爆發很多小毛病！（連usb手指都壞埋…）

周身骨痛發燒忽冷忽熱，嘔，流鼻血，生痯，濕疹，呢度爛Ｄ嗰度爛Ｄ，最唔抵係頭痛，因為太痛，我不停捽個頭，但愈捽愈痛，愈痛愈想捽。原來唔小心捽走左層皮，額頭因而損左…今次外傷比內傷痛更久…仲要比屋企人笑左幾日。

好唔好彩，因為甘，不能和畢業的朋友一起去玩，校友日又黎唔到。星期天就困在客廳的沙發上扮可憐，想看富貴門，可是沒有人理我，弟妹在看亞洲星光大道。= =』

現在好返了就開始頹廢，不過唔得甘，好多野需要follow。首先應付左4190先，睇睇睇睇睇狂睇但其實睇極都未開始「溫」，應該要搵同學朋友搞聯盟比Ｄ策略溫書！

本來規定自己12點準時睡覺…今天沒法啦= =想打blog。

最後，想說，不必難過，我們是朋友。
最最後，祝鮑鮑一路順風呀，回來後會變成什麼包呢？

• 昨天十月團 briefing後，回到中大繼續做 fyp，但最後和大家談電話談了一個晚上。也好的，起碼我搞清楚某些東西。作為一個真心愛錫你的朋友，以過來人身份又明白讀本科的困難，聞而「不問」是否個好做法呢？嗯…我想，不論回應是什麼，如果我「問」的話，起碼有 50%能獲得回應，但「不問」的話是 0% !!! ( 這邏輯挺好用 )

• 昨晚又成功趕到 1:05尾班車，看來我追車的功力愈來愈深厚，不過甘夜跑落山實在不智，一陣夜媽媽係半山拗柴就……可能仲有機會見到辮子姑娘。

• 早上打完羽毛球後去飲茶，魚的嫲嫲來到茶樓前突然跌親受傷…送院治療……阿魚同我講：「老人家行樓梯/上電動扶手梯後，最好唔好接電話…慢慢來，完成步驟後才打回來就可以了麻…」可能嫲嫲心急回覆家人的來電…點都好，希望她可以儘快康復。

• 今天填好了渣打馬拉松的報名表，我是第一次報名參加渣打馬拉松，雖然不擅長跑步，但想挑戰自己，故報名參加十公里4組，出戰前好好鍛鍊身體吧！

• 下午約了 kelly, tammy, ky, 還有剛從日本歸來的 agnes, 去了旺中唱K, 結果大家都不是來唱K的，太久沒見面了！太多東西要說了！大家畢業後，足足一個暑假沒見面！未畢業的日本婦女無見一年，唱日文歌簡直係升了十個呢！其實今次我也不是來唱K的，哈哈。除了要八卦大家的近況，因為我腦子載滿了 fyp的疑問，今日唔好意思，要搵大家一次笨，一野爆哂出來。多謝 kelly的教導和經驗，我現在清楚如何起步去搞 database了！

• 之後去了同志遊行義工briefing，希望幫到手，到時唔好論論盡盡。

我覺得打中文好辛苦，打速成慢到死，而且組織句子有困難，上文唔接下理，激死。